Tanha

Gulashan ki faqat phulon se nahi kanton se bhi zeenat hoti hai jeene ke liye is duniya may Gam ki bhi zarurat hoti hai Ai waiz e nadan karata hai tu ek qayamat ka charcha yahan roz nigahen milati hain yahan roz qayamat hoti hai Wo purasish e Gam ko aye hain kuch kah na sakun chup rah na sakun Kamosh rahun to mushkil hai kah dun to shikayat hoti hai Karana hi parega zabt e alam pine hi parenge yah ansu fariyad o fugan se ai nadan tauhin e mohabbat hoti hai Jo ake ruke daman pe `saba` wo ashq nahi hain pani hai jo ansu na chalake ankhon se us ashq ki qimat hoti hai

Tere jalawe ab mujhe har su nazar ane lage kash ye bhi ho ke mujh may tu nazar ane lage Ibtada ye thi ke dekhi thi Khushi ki ek jhalak intaha ye hai ke Gam har su nazar ane lage Beqarari barhate barhate dil ki fitarat ban gai shayad ab taskin ka pahalu nazar ane lage Khatm karade ae `Saba` ab sham e Gam ki dastan dekh un ankhon may bhi ansu nazar ane lage ....

Fasala to hai magar koi fasala nahi mujhase tum juda sahi dil se to juda nahi Asman ka fikr kya asman khafa sahi ap ye bataiye ap to khafa nahi Kashtiyan nahi to kya hausale to pas hain kah do nakhudaon se, tum koi khuda nahi Lijiye bula liya ap ko khayalon may ab to dekhiye hamay koi dekhata nahi Aiye chirag e dil aj hi jalayen ham kaisi kal hawa chale koi janata nahi

Mere nasib ne jab mujh se intaqam liya Kahan kahan teri yadon ne hath tham liya Faza ki ankh bhar ai hawa ka rang ura Sukut e sham ne chupake se tera nam liya Wo main nahi tha ek harf bhi na kah paya Wo bebasi thi ke jis ne tera salam liya Har ek khushi ne tere gam ki abaru rakhali Har ek khushi se tere gam ne inteqam liya

Kuch ajab shan se logon may raha karate the Ham khafa rah ke bhi apas may mila karate the Itani tahazib rah o rasm to baqi thi ki wo Lakh ranjish sahi wada to wafa karate the Us ne pucha tha kai bar magar kya kahiye Ham mizajan hi pareshan raha karate the Khatm tha ham pe mohabbat ka tamasha goya Ruh aur jism ko har roz juda karate the Zindagi ham se tere naz uthaye na gaye Sans lene ki faqat rasm ada karate the Ham baras parate the `shaz` apani hi tanhai par Abr ki tarah kisi dar se utha karate the....

Hath mera ai meri parachain tu hi tham le Ek muddat se mujhe tu sujhata kuch bhi nahi Shahar e shab mai kaun sa ghar tha na di jis par sada Neend ke andhe musafir ko mila kuch bhi nahi Umr bhar umr e gurezan se na meri ban saki Jo kare karti rahe main puchta kuch bhi nahi Wo bhi shayad ro pare viran kagaz dekh kar Main ne us ko akhri khat mai likha kuch bhi nahi ....

Chahoo Jo meri khataoon ki saza do mujh ko Per Khata kya hai zara itna bata do mujh ko Meiney chaha tha tumhien aisey tu aakhir kyun kar In wafaoon k siley aisi wafa do mujh ko Bhoolna tum ko hamarey liey na mumkin hai Jo ho sakey tu sanam tum hi bhula do mujh ko Ab agar soch hi lia hai jo qata ka "SAAIR" Mein mar hi jaaon koi aisi saza do mujh ko....

Tu kisi aur ki jagir hai ai jan e Gazal Log tufan utha denge mere sath na chal Pahle haq tha teri chahat ke chaman par mera Pahle haq tha teri Khushboo e badan par mera Ab mera pyar tere pyar ka haqdar nahi Main tere gesu o rukhsar ka haqdar nahi Ab kisi aur ke shanon pe hai tera anchal Main tere pyar se ghar apna basaoon kaise Main teri mang sitaron se sajaoon kaise Meri qismat mai nahi pyar ki Khushboo shayad Mere hathon ki lakiron mai nahi tu shayad Apni taqdeer bana mera muqaddar na badal Mujh se kahti hain ye Khamosh nigahain teri Meri paravaz se unchi hain panahain teri Aur Gairat e ehsas pe sharminda hoon Ab kisi aur ki bahon mai hain bahain teri ....

Gam ka Khazana tera bhi hai mera bhi Ye nazarana tera bhi hai mera bhi Apane Gam ko git banake ga lena Rag purana tera bhi hai mera bhi Tu mujhako aur main tujhako samjahaun kya Dil diwana tera bhi hai mera bhi Shahron shahron galiyon jis ka charcha hai Wo afsana tera bhi hai mera bhi Maikhane ki bat na kar waiz mujh se Ana jana tera bhi hai mera bhi ....

Zamin pe chal na saka asman se bhi gaya Kata ke par ko parinda udan se bhi gaya Tabah kar gai pakke makan ki khwahish Main apane gaon ke kachche makan se bhi gaya Parai aag may khud kya mila tujh ko Use bacha na saka apani jan se bhi gaya Bhulana chah to bhulane ki inteha kar di Wo shakhs ab mere wahm o guman se bhi gaya ....

Kis kis tarah se mujh ko na ruswa kiya gaya Gairon ka nam mere lahu se likha gaya Nikala tha main sada e jaras ki talash may Bhule se is sukut ke sehara may a gaya Kyon aj us ka zikr mujhe khush na kar saka Kyon aj us ka nam mera dil dukha gaya Is hadase ko sun ke karega yaqin koi Suraj ko ek jhonka hawa ka bujha gaya ....

Jo bhi dukh yaad na tha yaad aya Aaj kya janiye kya yaad aya Phir koi hath ha dil par jaise Phir tera ahd-e-wafa yaad aya Jis tarah dhund main liptey hue phool Aik ik naksh tera yaad aya Aisi majboori k aalam main koi Yaad aya bhi to kya yaad aya Aye rafiqoon sar-e-manzil ja kar Kya koi abla pa yaad aya Yaad aya tha bicharna tera Phir nahi yaad k kya yaad aya Jab koi zakham bhara daag bana Jab koi bhool gaya yaad aya Yah mohabbat bhi ha kya rog faraz Jis ko bhole woh sada yaad aya ....

Ya RAB! Gham-E-Hijraan mein itna tau kiya hota Jo haath jigar par hai woh dast-e-dua hota Ek ishq ka gham aafat aur us pe yeh dil aafat Ya gham na diya hota,ya dil na diya hota! Naakaam tamanna dil is soch mein rehta hai Yun hota tau kiya hota,yun hota tau kiya hota Umeed tau bandh jati taskeen tau ho jati Waada na wafa kartay waada tau kiya hota Ghairon se kaha tum ne,ghairon se suna tum ne Kuch hum se kaha hota,kuch hum se suna hota....

Be sabab hi safar mei rehta hooN MaiN kahaN apne ghar mei rehta hooN Meri takmeel hi naheeN karta jiske dast`e hunar mei rehta hooN Jur`at`e faisla naheeN hoti Bas agar aur magar mei rehta hooN Nuqta`o pesh khud hi saNwreN ge Fikr`e zer`o zabar mei rehta hooN Rok le ab bhi mujhko girne se MaiN teri chashm`e tar mei rehta hooN Maang ker ek dua`e neem shabbi justju`e asar mei rehta hooN Door ufaq paar dhoNdta kyooN hay Teri hadd`e nazar mei rehta hooN Aate jaate kabhi parao kar MaiN teri rahguzar mei rehta hooN Jeene marne ke bain hay jo ussi Lamha`e mukhtasar mei rehta hooN Ye to a`ejaaz`e khudkashi hay ke ab Aalam`e bala tar mei rehta hooN Kho ke shaheen taqat`e parwaz Khahesh`e baal o par mei rehta hooN....

Dost Ban Kar Bhi Nahi Sath Nibhane vala Vohii andaz hai zalim ka zamane vala Ab ise log samajhate hain giraftar mera SaKht nadiim hai mujhe dam mein lane vala Kya kahen kitane marasim the hamare is se Vo jo ik shaKhs hai muunh pher ke jane vala Tere hote hue aa jatii thi sari duniya AAj tanha huun to koi nahi aney vala

Hui hai shaam to aaNkhon men bas giyaa phir tu KahaaN giyaa hai mere shahar ke musaafir tu Bahut udaas hai ik shaKhs tere jaane se Jo ho sake to chalaa aa usi ki Khaatir tu Meri misaal ki ik naKhl-e-Khushk-e-saharaa huN Teraa Khayaal ki shaaKh-e-chaman kaa taair tu Main jaanataa huN ke duniyaa tujhe badal degi Main maanataa huN ke aisaa nahin bazaahir tu Hansi Khushi se bichhaD jaa agir bichhaDanaa hai Ye har maqaam pe kyaa sochataa hai aaKhir tu `Faraz` tu ne use mushkilon men Daal diyaa Zamaanaa saahib-e-zar aur sirf shaayar tu

Tanha rehna seekh raha hoon Mar kay jeena seekh raha hoon Mang kay pana seekh liya hai Pa kay khona seekh raha hoon Sabar ko zad-e-rah bana kar Kanch pay chalna seekh raha hoon Phirtay, phirtay sehra, sehra Pyaas ko peena seekh raha hoon Marham to rakhna na aaya Zakhm khoorachna seekh raha hoon Jeenay kay hain ajab taqazay Zinda rehna seekh raha hoon Madhooshee nay bohat sataaya Hosh main rehna seekh raha hoon Barson guzray phir bhi ab tak Maan say bichcharna seekh raha hoon Dar kar zehar kay pyaalay say Such ko chupaana seekh raha hoon Rotay rotay auron par Khud pay hansna seekh raha hoon Ghum nay mujh ko bohat hai khaya Ab gham khana seekh raha hoon Is pay hairan hota hoon Kartab, kya kya seekh raha hoon...

Ye aalam shauq kaa dekhaa na jaaye Vo but hai yaa Khudaa dekhaa na jaaye Ye kin nazaron se tum ne aaj dekhaa Ke teraa dekhanaa dekha naa jaaye Hameshaa ke liye mujh se bichhaD jaa Ye manzar baarahaa dekhaa na jaaye Galat hai jo sunaa par aazamaa kar Tujhe ai baavafaa dekhaa na jaaye Ye maharuumi nahin paas-e-vafaa hai Koi tere sivaa dekhaa na jaaye Yahi to aashnaa banate hain aaKhir Koi naaaashnaa dekhaa na jaaye `Faraz` apane sivaa hai kaun teraa Tujhe tujh se judaa dekhaa na jaaye

Ye meri Ghazalen ye meri nazmen tamaam teri hikaayaten hain Ye tazkiren teri lutf ke hain ye sher teri shikaayaten hain Main sab teri nazr kar rahaa huun ye un zamaanon ki s`aten hain Jo zindagi ke naye safar men tujhe kisi roz yaad aayen To ek ek harf ji uthegaa pahan ke anfaas ki qabaayen Udaas tanahaaiyon ke lamhon men naach uthengi ye apasaraayen Mujhe teri dard ke alaavaa bhi aur dukh the, ye jaanataa huun Hazaar Gam the jo zindagi ki talaash men the, ye jaanataa huun Mujhe Khabar hai ki teri aanchal men dard ki ret chhaanataa huun Magar har ek baar tujh ko chhuu kar ye ret rang-e-hinaa bani hai Ye zakhm gulzaar ban gaye hain ye aahen-sozaan ghataa bani hai Ye dard mauj-e-sabaa huaa hai ye aag dil ki sadaa bani hai Aur ab ye saari mataa-e-hasti ye phuul ye zakhm sab tere hain Ye dukh ke nauhe ye sukh ke nagmen jo kal mere the vo ab tere hain

PAL PAL JEE RAHA HOON, PAL PAL MAR RAHA HOON MAIN AATISH-E-ISHQ KI TARHA JAL RAHA HOON NA MANZIL HAI NA MANZIL KA KOI NISHAAN DOOR TAK NA JAANE KYUN KIS TARAF KIS LIYE CHAL RAHA HOON WO KIYA JANEY GA KIYA JAN SAKTA HAI BE-DARD MAIN USSKI TAWEEL JUDAYI MAIN GHUL RAHA HOON KIS KI MOHABBAT BEH RAHI HAI BARISH KI BOONDON MAI JAHAN MAIN SIR SE PAOUN TAK DHUL RAHA HOON

Us ki chahat ki chandni ho gi Khubsurat si zindagi ho gi Ek ladki bohut say phool liye Dil ki dehleez pay khadhi ho gi Chahay jitney charagh gul kar do Is ghar main to roshni ho gi Neend tarsay gi meri aankhon ko Jab bhi khawabon say dosti ho gi Hum bohot door thay magar tum nay Dil ki awaz to suni ho gi sochta hoon wo kanan ho ga? jis ke aangan ki ab wo chandni ho gi

Kuch raastay tumharay saath kaatne thay Kuch dukh tumharay saath baatne thay Tum sirf mere hi hoge ek din Wo khawab badhe suhane thay Tum nay to naye rishte astawar karliye Lakin hum say marasim purane thay Main iss shehar mein naya nahi phir bhi Sab kay sab chehre unjane thay Tum nay to kaha tha mil jao gay kisee mord par Magar jaha say guzra sab rastay veerane thay Mein Khud ko badalna nahi chahta tha magar Yeh nishan bhi to humein mitane thay

Har pal zindagi say ulajta raha Chot khata or phir sanbhalta raha Hansi apnay laboon par sajaye huway Zindagi ke har ghum say mukarta raha Aik tera he ghum bhari sabit howa g Yeh soch ke mera wajood bikharta raha Taroon ki chamak bhi kam hoti gai Chand magar tanha shab bhar rota raha mujay bhi tanha rahnay ki adat kya huwi Mera har dost mujh say bicharta raha Koi mere dard ka andaza bhi na karsakay Bas yeh soch ke mein baar baar sanwarta raha ....

Koi Chera Hua Roshan Na Ujagar Ankhen aaina dekh rahi thi meri pathar ankhen le udhi waqt ki andhi jinhen apne hamrah aaj phir Dhundh rahi hain vahi manzar ankhen phut nikali to kai shahar-e-tamanna Dube ek qatre ko tarasati hui banjar ankhen us ko dekha hai to ab shauq ka vo alam hai apne halakon se nikal ai hain bahar ankhen

Tum aur fareb khao bayan-e-raqib se Tum se to kam gila hai ziyada nasib se Goya tumhari yad hi mera ilaj hai Hota hai paharon zikr tumhara tabib se Barabad-e-dil ka akhiri saramaya thi ummid Vo bhi to tum ne chin liya mujh garib se Dhundhala chali nigah dam-e-vapasi hai ab A pas a ke dekh lun tujh ko qarib se

Lo jala daale tumhare khat sabhi, be-fikr rehna Toar di hai harr nishaani pyaar ki, be-fikr rehna Jab tumhara zikr chirh jaye ga mehfil mein kabhi tau Hum sunein ge sirf ban kar ajnabi, be-fikr rehna Woh mohabbat ki mulaQatein woh barsatein bhula kar Hum yeh samjhein ge mohabbat khwaab thi, be-fikr rehna Apne armaanon ko hum ne Qatl khud hi kar diya hai IshQ ne chup chaap kar li khudkushi, be-fikr rehna

Ya to mit jaiye ya mita di jiye Kijiye jab bhi soda khara ki jiye Ab jafa ki jiye ya wafa ki jiye Akhari waqt hai bas dua ki jiye Apne chehre se zulfain hata di jiye Aur phir chand ka samna ki jiye Har taraf phool hi phool khil jayain ge Ap aise hi hanste raha ki jiye Ap ki ye hansi jaise ghungroo baje Aur qayamat hai kya ye bata di jiye.... - Wajida Tabassum

Mili hawaon may urne ki wo saza yaro K main zameen k rishton se kat gya yaro Wo be khayal musafir main rasta yaro Kahan tha bas may mere us ko rokna yaro Mere qalam pe zamane ki gard aisi thi Ke apne bare may kuch bhi na likh saka yaro Tamam shahar hi jis ki talash may gum tha Main us k ghar ka pta kis se poochta yaro

Tum bhi Khafaa ho log bhi beraham hain dosto Ab ho chalaa yaqin ke bure ham hain dosto, Kis ko hamaare haal se nisbat hai kyaa karen AaNkhen to dushmanon ki bhi purnam hain dosto, Apane sivaa hamaare na hone kaa Gam kise Aapani talaash men to ham hi ham hain dosto, Kuchh aaj shaam hi se hai dil bhi bujhaa bujhaa Kuchh shahar ke chiraaG bhi maddham hain dosto, Is shahar-e-aarazuu se bhi baahar nikal chalo Ab dil ki raunaqen bhi koi dam hain dosto, Sab kuchh sahi `Faraz` par itanaa zaruur hai Duniyaa mien aise log bahut kam hain dosto....

Zakhm-e-tanhaa_ii mein khushbu-e-hinaa kis ki thi Saayaa diiwaar pe meraa thaa sadaa kis ki thi Uskii raftaar se lipti rahein meri aankhein Us ne murr kar bhi na dekhaa ki wafaa kis ki thi Waqt kii tarah dabe paaoon ye kaun aayaa hai Mein andheraa jise samajha wo qaba kis kii thi Aansuoon se hii sahii bhar gayaa daaman meraa Haath to main ne uthaaye the duaa kis kii thi Merii aahon kii zabaan koii samajhataa kaise Zindagii itanii dukhii mere siwaa kis kii thi Aaag se dostii us kii thii jalaa ghar mera Dii gai kis ko sazaa aur Khataa kis kii thi Mein ne biinaaiyaan bo kar bhii andherey kaatey Kis ke bas mein thii zamien abr-o-hawa kis kii thi Chour dii kis liye tuu ne "Muzaffar" duniyaa Justujoo sii tujhe har waqt bataa kis kii thi

Wo mujh sey milney aaya jab kuch tanha tanha lagta tha Mehfil main meri betha tha par tanha tanha lagta tha Hount bhi us key larz rahey they chehra bhi kuch utra sa Hans bhi raha tha lekin wo kuch tanha tanha lagta tha Nazrein jhukaaye kab sey wo ikk butt kii maanand betha tha Sab sey mil kar bhi wo kuch tanha tanha lagta tha Main bhi us key pass gaya haathoun ko us key thaam liyaa Phir bhi najaaney mujh ko kyoun wo tanha tanha lagta tha Main bhi soch main doob gaya usey bhi kuch kuch ho sa gaya Pahley sey bhi ziada wo kuch tanha tanha lagta tha... - source from Internet